NOTES
ADMIN : PROFIL ADMIN YANG MAKIN KECE
Haii..To
The Loooo.. #Hellooooo!!!
Ok,
kali ini admin bakal cuap2 kagak jelas untuk pengenalan awal dari blog admin
yang gaje ini. Karena admin orang palembang tulen, yang bisa disamain ama nasi
tulen #ItuPulenMin..
Admin bakal memperkenalkan diri
admin dari hati ke hati kepada para reader yang kece-kece badai ini dengan
bahasa Palembang yang mungkin, readers sekalian kagak ngerti dengan arti dari
kata-kata yang memang kagak ada didalam kamus Bahasa Indonesia tersebut..Tanpa
berlamama-lama, cekidot!
Mend
namo admin nih lengkapnyo Suci Herajulia Prajiwaksono Nursiami S. Temat
Mangkusadewo Satrowidoyoningrat.. Tapi, mend kanco-kanco seperjuangan mimin
dari era 45 biasonyo manggil mimin nih dengan panggilan ‘Esmeralda’#BesakHawo
be admin tu. Mend
namo asli yolah Suci
Herajulia, mend nag manggil mimin dengan namo apo be kendak hatilah..yang
penting sesuailah samo kode etik kecantekkan rai mimin.
Mimin itu mahasiwi dari Institut Islam yang paleng ternamo di Palembang,
namonyo IAIN Raden Fatah dengan jurusan yang mimin pilih iolah Jurnalistik. Mimin
ni lahir pas hujan coklat meteor yang nyampak kebumi trus ngujani ladang gandum
di kota pempek, tepatnya di Bidan Mala daerah 19 Ilir tahun 94 (Oke!Admin lah
kumat saket ayannyo). Mommy mimin ngelaherke 4 anak, nah mimin ni anak nomor 2
dari 4 beradek tu dan tentunyo, miminlah yang paling cantek. Mend di
etung-etung, umur mimin lah nyampe 20an lah, tapi dag tuo-tuo nianlah.. kebukti
dengan rai mimin yang masih unyu-unyu mencak rai rapunsel ni..
Mimim
punyo daddy samo mommy yang kece-kece seantero Padang, nah ngapo pulo cag tu?
Yo iyolah, mak samo ubak mimin nih asli uong padang walau mimin yang kece ni laher
dan besak di Palembang. Yo walau cag tu, mimin dag pernah lupo samo bahaso
kampong dari mommy samo daddy mimin. Segalo bahaso mimin lanjakke, dari bahaso
Indonesia, Palembang, Sekayu, Padang, Inggris dan bahaso daerah laennyo..Insya
allah mimin pacak, jadi mimin nih pacak jugo dikatagorike budak jenius
(*dag
cag tu jugo kali oiy reaksi kamu seneng samo cerito mimin nih). Mommy samo
daddy bedagang baju, pasti taulah mend uong Padang tu gaweannyo bedagang..
secaro, namonyo ngerantau ketempat uonglah yo pacak-pacak idup dewek. Tapi
jangan jahat ati ngomongi segalo uong Padang tu pelet, mimin selaku uong padang
dag setujah.. eh maksudnyo dag setuju samo pernyatoan tu, seraso nag mimin
garok-garok uong yang ngomong tu samo kapak.
Ekspresi
Reader :
Ado
yang demo dag, pengen tau apo dio hobi mimin yang cantek mencak rai rapunsel
nih? Eeeng..iienggg.. Mimin nih hobi nian jadi biduan, nyanyi-nyanyi dag keruan
maksudnyo ahha.. Tapi jangan salah, mimin nih waktu SD sereng nian melok paduan
suaro. Jadi mend ado ajang nyanyi, Aii umak cacam! Mimin begancang melok dag
galak kalah. Laju inget dengan kisah mengharukan mimin sewaktu SD, pas mimin
masih unyu-unyu mencak afika tapi punyo BISUL yang besak nian dikening mimin
waktu itu. Mimin syok waktu bekaco. Apo mimin nih adeknyo ‘dewa erlang’ yang
main film sunggokong yang lagi musim waktu tu? Maso-maso itulah yang ngebuat
mimin jatoh tepuruk kelobang galian sumur tedalam ckckck. Men lupo cag mano rai
dewa itu, mimin punyo gambarnyo.. jadi, pacak kalian dewek lah ngebayangi rai
mimin yang unyu-unyu tuh punyo bisul yang besak cag mato tu... Hiks.hiks..
Dem
tuh, mimin jugo anag K-popers akut mencak sakit lah parah nag nemu ajal tuh..
Apolagi mend nyingok lanang-lanang Koreanyo.. Uwooohh cacam! Belagak nag
matilah, mencak rai boneka Chuky dipolesi bedak. Tapi beda nian boyband-boyband
tu dengan pegangan mimin yang Super Junior, entah ngapo mend nyingok mereka
mimin nyampe ngences dewek dag pacak ge nutup mulut hinggo laler-laler hobi
nian nginggapi mulut mimin. Sampe-sampe mimin jadi hobi ngebuat fanfiction tentang
lanang-lanang belagak tu. Mend penasaran, ageg be lah mimin kasih linknyo.
Ehhe..
Trus
mimin tuh seneng jugo ngolahi uong.. apolagi uji anag mudo sekarang tu ‘ngepoi’
uong, tapi ujung-ujungnyo mimin malah dikolai uong. Mimin inget nian dulu,
waktu mimin maseh SMA. Sungguh cerito yang tragis dag pacak diungkapi
kato-kato..
*cak
tu sekironyo keadaan mimin pas nag mulai becerito samo kalian ni.
Mimin
nag cerito nah #PerasaanDariTadiLahCerito.. Waktu tu pas ujan deres, ado
petir-petir dengan bentuk lope-lope ngebasahi Palembang. Mimin yang cantek
mencak rai rapunsel ni beteduh dihalte bus dekat sekolah mimin. Angin besak
dateng, trus rok mimin yang pendek terbang-terbang ala Merlyn Monroe.. Yo
maklumlah, mimin kan dulu belum betobat nag bejilbab coy. Dem tu, ado lanang
besak tinggi belagak kayak Choi Siwon melok beteduh samo mimin mencak difilm-filmlah.
Gaya
mimin pdkt waktu tu :
Ceritonyo
lagi kan mimin baru punyo hape baru, jadi cpcp lah samo tuh lanang. Nah, lanang
tu ngelirik mimin..wuidihhh, betino mano dag kesemsem men lanang belagak mencak
tu seraso cag ado raso samo kito. Lanang tu ngedeketi mimin dan minjem hape
mimin. Dan bengaknyo, mimin ngasih lah. Terus apo dio laju yang kejadi? Tuh
lanang lansung kabur bawa hape baru mimin tuh. Nag nangis rasonyo ado.. hiks
hiks..
Dem,
mimin nandag lagi bernostalgia ke masa kelam atas ilangnyo hape mimin tu. Mimin
dah iklhas, dah mimin kubur dalem-dalem kenangan pait tu dalam hati mimin
#Cie..Cie.. So anyway somplak, kito beralih topik laen be yo. Oh yo, mimin nih
jugo hobi nonton. Jadi pacaklah men ketemu mimin dijalan kito tukeran film,
ataw beli kaset samo mimin be saking banyaknyo koleksi film. Tapi iyo, bajakkan
galo ahahha. Dan tolong ye.. jangan kejer-kejer mimin mencak fans ketemu
artisnyo, mimin belum seterkenal itu nian. Mend masih bingung cag mano nian rai mimin
sehubung foto profil mimin burem dag jelas, ni nah ciri-ciri mimin : idung mimin
sexy mancung kedalem, alis mimin tuh samolah mencak alis sinchan, senyuman
mimin nih waduhh...menawan mencak cinderella ditagihi utang. Tinggi mimin
kiro-kiro 150cm dengan berat seideal mungkin dan dag beda jauhlah samo artis
Korea versi bejilbab. Men diibarat kato, body samo rai setipelah dengan artis-artis
luar tu..Jadi, men ketemu mimin jangan segen-segen e negor mimin dulu.. mimin
tu dag sombong, mimin bakal bales tegoran kalian tuh dengan senyum aii cacam
yang mimin punyo.
*cag
nilah rai mimin sekironyo, tapi mimin pake jilbab
Dan
jangan lupo, men betemu dengan mimin trus nag cerito-cerito dengan mimin tuh
jangan tangan kosong be. Bawakke mimin makanan apo? Selagi kamu becerito samo
mimin, miminkan pacak sekalian makan sambil dengeri ocehan kamu-kamu tuh. Men
nanyo makanan apo? Mimin jawab makanan apo be mimin lanjakke asak halal tapi
yo, jangan makanan yang becampur susu samo coklat. Ngapo? Faktanyo, mimin pacak
kejang-kejang cag budag yang lagi kumat ayannyo.. dan lebih parah, mimin pacak
kesurupan cag kudo lumping yang galak masuk ke kampong-kampong. Mimin tau itu,
rai mimin memang rai putri rajo nangko belando.. tapi jangan salahke mimin yang
masih polos ni kalo perut mimin nih masih suci dari makanan cag tu.
Selain
tu, jangan tekejot be mend pertamo kali ketemu mimin..
Readers
: “Ngapo Min? Mimin tuh aslinyo cucung ratu Elizabeth e? Apo mimin tu aslinyo
dag katek rai alias rato galo?
Bukan
itu oiyy... Men uong pertamo kali dag kenal mimin, uong-uong bakal ngomong kalo
mimin nih punyo rai cag mertuo kejem, belagu nag matilah, terus galak nyari
balak. Tapi itu tu bukan mimin nian.. Mimin tu anak yang manis, polos, dan
seneng nian nabung.. jadi buanglah jauh pikiran kolot tu ke parit tedeket. Jadi
intinyo mimin tuh pacaklah nempatke diri. Diajak gilo mimin ngelunjak gilonyo,
diajak serius mimin makin serius,, jadi mimin nih uongnyo fleksibel lah men uji
cabe-cabean sekarang nih.
Masa-masa
sulit mimin tuh iolah pas mimin kecik di opname dirumah sakit Charitas.
Readers
: “Idup kau saro-saro nian min cagnyo”
Tuh
kejadian pas 18 tahun dulu waktu mimin rai cag rapunsel ini masih umur 2 tahun.
Mimin nyampak sakit yang bener-bener sakit bukan ecak-ecakkan. Kalo disamoi dengan penyakit Campak,
penyakit mimin lebih parah lagi. DBD?? Lebih parah lagi. Tumor Min? Jauh lebih
parah. Mimin keno kanker yo? Kanker dag ado apo-aponyo dengan penyakit mimin.
Uji mommy mimin, mimin di opname dirumah sakit selamo seminggu kareno keladasan
makan semangko, yang akhirnyo mimin ngidap sakit bahayo yang namonyo syndrome
‘MUNTABER’ .
Ekspresi
readers :
Yo
mimin tau mend sakit mimin nih aneh bin ajaib. Budak umur 2 tahun keladasan
makan semangko yang berujung muntaber? Tu lah hebatnyo mimin. Uji mommy mimin,
waktu tu mimin dijingok sedeh nian tinggal kulit be cak mak nori. Mato sayu,
idung dag katek pulo kareno pesek.. sedeh nian nyingok mimin dulu. Tapi yo
karno mimin dikasih sebagean kekuatan dari ‘Saras 008’, mimin akhirnyo berusaho
sehat dan pacak lagi joget-joget dengeri lagu trus bebas dari penyakit mematike
tu. Yolah, umak mano dag sedih nyingok anaknyo yang cantik mencak rapunsel ni
tebareng dag bedayo ckck..
Dan
terakhir fakta dari mimin, kalo mimin nih.. Jreng..Jreng..Jreng..Duarr!! Mimin
nih maseh nge ‘Jomblo’. Tapi stop e ngomongi mimin dag laku, mimin tu punyo
komitmen nian kalo harus dapetke lanang mencak Kyuhyun, lanang di Super Junior tu
nah..#Nah,GiloMimin. Sedih nian ati mimin samo sobat mimin mend maen ketempat
dio. Sobat mimin tuh samo cag mimin ngejomblo jugo, dan gawe maknyo nyanyike
kami lagu apo?? Lagu Wali yang ‘Cari Jodoh’ tu nah.. Aduh, galau anag mudo
ngedengerinyo. Tapi jangan salah, Jomblo tu bebas coy. Dag katek satpam yang
bakal ngebatasi langkah kito. Dan inget, jomblo tu komitmen. Jadi, uong jomblo
tuh jangan sekali-skali jadi bahan uyokkan mend dag galag dapat adzab cag nih..
Yo
mungkin cak tu be cuap-cuap tentang mimin yang cantek ni. Men nag dijabarke
lagi, dag bakal kelar ampe lebaran kudo. Mungkin dilaen waktu, mimin bakal
cerito lagi panjang lebar dag berujung ahahah...v^^ Mokaseh :D